حلمت اني في بيتنا و كان في دور عالي و مطل على...

حلمت اني في بيتنا و كان في دور عالي و مطل على البحر، و بابا و ماما خرجو راحو يدورو على حاجة يشتروها و انا لبست لبس للجيم لونه pink و حطيت ميك اب بس البنطلون كان ضيق عليا مش مزبوط، وبعدين رحت مكان زي نادي عشان ادخل الجيم النسائي كنت متوقعة اشوف سارية هناك، لقيته و دخلت وانا بشعري، اتفاجئت انه رجالي و لقيت سارية و صديقه محمد هناك بيتمرنو، اتصدمت و سارية اتفاجىء بوجودي قلتله هو الجيم دة mix؟ انا دافعة عشان ادخل الجيم النسائي، و شديت الكاب بتاعت الهودي اغطي بيها شعري، شعري كان مجعد بس مرتب متمشط، وانا اتضايقت انه شاف شعري كدة. قالي الجيم النسائي في حتى تانية و قالي عايز يديني حاجة، رحت معاه و قام مطلع محفظته، اداني فلوس حاططهم وسط اوراق دفتر، قلتله ايه دة قالي دة تمن الحاجات الي جبتيهالي، انا اتضايقت، اتضايقت عشان فهمت انه بيعمل كدة عشان مش عايز حاجة مني تاني قعدت اقلب في الدفتر و طلعت منه الفلوس لقيتها كم ورقة من فئة العشر دراهم الخضراء حوالي اربع او خمس ورقات مطويين بطريقة غير مرتبة فيها اهمال. قلت في عقلي بدون تصريح ايه دة دة اقل من الي انا صرفته عليه و حتى الجيم الي هو فيه كان اشتراكي و انا الي دافعاه و اديتهوله. وبعدين قلتله خدهم تاني مش عايزاهم عيب كدة، احنا لما نجيب لبعض حاجة مش بندي فلوسها لبعض انا بعاملك زي احمد و خالد اخواتي احنا اخوات. وطول الوقت كنت برفع البنطلون ازبطه عشان كان ضيق عليا و الغريب انه مبقاش ضيق و مقاسه زبط. لكن اللبس عموما كنت حاساه مش على ذوقي برضو. وبعدين اخدني يوديني جيم السيدات قعدنا ندور عليه مش لاقيينه لقينا ست فلبينية سارية سبقني و سألها جيم السيدات فين، قالتله الباب بتاعه جنب جيم الرجال رحنا و جه معايا يوصلني و انا جاية ادخل من الباب لقيت زحمة كبيرة و كان في راجل و ولد صغير مراهق كدة شكلهم خلايجة لابسين كندورة جيت اسبقهم عشان ادخل قام الراجل قالي هو انتو عشان ستات فاكرين هتعملو الي انتو عايزينه و الولد الصغير كمان اعترض، قمت ماسكة الولد ضربته كنت خايفة الولد يضربني بس هو معملش كدة و سارية واقف وبعدين شفت نفسي في البيت بصيت على نفسي في المراية لقيت احمر الخدود بتاعي مش متوزع كويس لكن باقي الميك اب شكله حلو و مرتب البلشر كان محطوط على شكل خطين تحت عيني مش مدموجين على خدودي اتضايقت ان سارية شافني بالشكل دة كان شكل محرج. وبعدين مسكت التلفون دورت على رقمه عايزة اقوله على حاجة نسيت اقولهاله لما شفته لقيته غير رقمه و في صورة واحد هندي او حد تاني اخد رقمه. و اتضايقت وبعدين لقيت مريم بنت عمتي داخلة البيت عليا سلمت عليا قاطعتني وانا بدور بحاول اسجل voice note لسارية و بدور على رقمه و اتضايقتي و مريم معرفتش انا مين قلتلها انا ندى عرفتني على طول و احرجت، كانت لابسة حجاب ابيض و كانت طفلة على شكل ملك بنت عمتي لكن انا في الحلم كنت فاهمة انها مريم و عمتي سلوى مامتها واقفة وراها بتقولها دي ندى اخدت مريم بالحضن و اخدت عمتي سلوى بالحضن و كنت ماسكة التلفون في ايدي مفتوح على الشات لكن منشغلة مع عمتي و بنتها قلتلها ماما و بابا راجعين بعد شوية مش هيتاخرو. و فاكرة في لقطة من الحلم اني اكلت مكرونة بس مش فاكرة امتى بالظبط. سارية هو شخص قطعت علاقتي به منذ فترة